علیرضا(اوختای )نابدل ین قارداشی
اوغلوم اوختا ی ! سنین کیملیک کارتینی سونرادا ده ییشه بیله رلر ایداره دن دئدیلر." کیشی دئدی.
اوختای آدی منی ماراقلاندیردی. کیشیه ساری دوندوم , واراقلاری میز اوزه رینده یدی. من اوغلانین آدین و سوی آدین گوردوم داها شاشقین دوروما قالدیم. آدی و سوی آدی نه ایمیش ؟!. "اوختای نابدل"
بیر آن رحمتلیک علیرضا(اوختای) نابدل و اونون قهرمانجاسینا یاشاییشی بئینیمده ن کئچدی.
"سیزین اوغلونوزدو مو ؟"سوروشدوم.
"هن" کیشی دئدی.
"بویوک بیر اینسانین آدین اوغلونوزا قویوبسونوز ."دئدیم
او بویوک اینسان منیم دوغما قارداشمییدی.
دای من دوزگون قیفیللادیم. توک له ریم بیز بیز دوردو.
هئچ سوز دئمه ده ن بو کیش نی سئیر ائتدیم.
و تئز منده ن گولومسو یه رک اوزاقلاشدی.
من گیجه لمیشدیم دوغروسو.
چیخدیم اولدوغوم قاتدان ان آشاغی قاتا یئنه م . لیفت(آسانسور) اونونده بیر داها گوردوم نابدل ین قارداشین.
5 قاتلی ایداره نی بیرلیکده و آیری اوچ آدامیلا بیرلیکده آشاغی یئندیم.
سنین تک اینسانلاریلا تانیش اولماغی اوزومه بویوک فخر سانیرام. " دئدیم.
گولومسه یه ره ک جاوابیمی گئنه وئرمه دی.
یئندیک آشاغی قاتا نابدل ین قارداشی یولون توتدو گئتدی.
ماراقلی سی بورایدی. گوردوم بولمه دن(غیری ایرادی) نابدل ین قارداشی نین آردیجا منده گئدیره م. منیم ماشینیم بویاندایدی , اونو ن ماشینی قارشی طرف ده .
قاییتدیم ماشینیمین ایچینده اوتوردوم. و فیکره جومدوم.
اوختای نابدل یاشاییر , میللی قهرمانیمیز یاشاییر. بیریسی آدییلا یاشاییر , بیریسی دوشونجه سیله , بیریسی قورد اوره ک و جسارتلی اولدوغو بیر موباریز و ساواشچی کیمین تمثیل ائدیر و یاشاییر.
میللی قهرمانلاریمیز فیکیر ساحه سینده , ساواشچیلیق ساحه سینده , سیاستچی لیک و اینجه صنعت خادیملری و ساییره ساحه لرده بیزیم کونول لریمیزده ابدی یاشایاجاقلار.
و منده بونلارین هامیسیلا یاشاییرام . آدی , دوشونجه سی , قورد اوره کلی ساواشچی اولدوغونا گوره , و یولداشلاری بهروز دهقانی , صمد بهرنگی , کاظیم سعادتی و باشقا یولداشلاریلا یاشاییرام.
بو دا بو گونو موزده ن .
